«ПСЖ» бош мураббийи Лоран Блан «Манчестер Юнайтед» ярим ҳимоячиси Анхель Ди Марияни харид қилиш борасида хабарларга ўз фикрини билдириб ўтди.
«Мазкур трансфер атрофида гап-сўзлар кўп, аммо ҳеч ким ҳеч нарсани тасдиқламаяпти. Бизга ҳужумкор ўйинчи керак. Ди Мария – ажойиб футболчи. Сафимизга у қўшиладими ёки бошқасими, ҳозирча расмий маълумот йўқ. Унинг АҚШга келишини кутяпмиз, аммо у қайси жамоа ўйинчисига айланишини билмаймиз. Агар Ди Мария бошқа клубга ўтишга қарор қилган бўлса, умид қиламан, бу «ПСЖ» бўлади», — деди Блан.
Аввалроқ «ПСЖ» «МЮ» билан Ди Мариянинг трансферини 65 миллион еврога келишиб олгани ҳақида хабарлар тарқалганди.