Кеча ҳамюртимиз Ҳусниддин Ғофуров тўп сурадиган Иваницанинг “Явор” клуби “Спартак”ка қарши баҳс юритди. Ўйин аввалиданоқ ташаббусни қўлга олган “Явор” киритилган 2 та тезкор гол эвазига муҳим ғалабани қўлга киритди ва бу орқали ўз ҳисобидаги очколар сонини 6 тага етказиб олди.
Явор Матис (Иваница) - ФК Спартак (Суботица) 2:0
Голлар: Стефан Дражич (16), Марко Досич (22)
Ўзбекистонлик футболчи Ҳусниддин Ғофуров ўйинни бошланғич таркибда бошлади ва 59 дақиқа ўйнади. Сўнг Ҳусниддиннинг ўрнига Никола Вуйович туширилди.
Таъкидлаш жоиз, Ҳусниддин Ғофуров ва “Явор” янги мавсумни жуда кўтаринки кайфиятда бошлашди. Умид қиламизки, бу одим давомли бўлади ва ҳамюртимиз ҳам кўпроқ ўйин амалиётига эга бўлиб, жамоасига наф келтиради.
