Ивуарлик форвард Дидье Дрогба фаолиятини Ҳиндистон Суперлигасида давом эттириши мумкин, деб хабар тарқатган “СЭ” нашри.
Ҳиндистон Суперлигаси биринчи мавсуми чемпиони “Атлетико Калькутта” 37 ёшли ўйинчига тўрт ойлик шартнома таклиф қилаяпти, эътиборлиси мусобақа айнан шунча муддат давом этади. Бу вақт ичида ҳужумчи бир миллион доллар маош олиши мумкин.
Эслатиб ўтамиз, Дрогба айни вақт эркин агент сабаби унинг “Челси” билан шартномаси ўз якунига етган. Аввал футболчи хизматларига МЛСнинг бир неча клуби, хусусан, “Монреаль Импэкт” ҳамда Италиянинг “Интер” жамоаси қизиқиш билдиришганди.
