Қозоғистоннинг Олма-ота шаҳрида бўлиб ўтган халқаро хотира турнирида ҳамюртимиз Суҳроб Хўжаев босқон улоқтириш мусобақасида 78.22 метр натижа билан 2016 йилги Олимпиада ўйинлари йўлланмасини қўлга киритди.

Мазкур мусобақада иштирок этган яна икки нафар юртдошимиз совринли ўринларни эгаллашди.Сергей Дементьев диск (54.12 м.) ва ядро (19.37 м.) улоқтириш баҳсларида олтин медални қўлга киритган бўлса, узунликка сакрашда Тимур Хуснулин 7.66 метр кўрсаткич билан учинчи ўринни эгаллади.

Шу тариқа, енгил атлетикачиларимиз томонидан XXXI ёзги Олимпиада ўйинларига қўлга киритилган йўлланмалар сони 3 тага етди.

Эслатиб ўтамиз, бунга қадар Ситора Хамидова (марафон) ва Светлана Радзивил (баландликка сакраш) тўрт йилликнинг энг йирик спорт мусобақасида иштирок этиш хуқуқига эга бўлишган эди.

Шавкат Жалилов