Италия А серияси дебютанти "Карпи" клуби "Ливерпуль" жамоаси ҳужумчиси Фабио Борини трансфери бўйича расмий таклиф тайёрламоқда. Бу ҳақида “Спорт Экспресс” Sky Sport Italia нашрига таяниб хабар тарқатди.
Форвард ҳам она-ватанига қайтишга қаршилик қилмаса керак, чунки у Euro-2016 олдидан етарли ўйин амалиётига эга бўлиш истагида. Шунингдек, 24 ёшли италиялик билан "Лацио" ва "Фиорентина" жамоалари ҳам қизиқмоқда.
Эслатиб ўтамиз, "Карпи" клуби ўз тарихида илк бор А Серияга йўлланма олди. Маълумотларга кўра, Италия чемпионати дебютанти ўз ҳужум чизиғини Альберто Жилардино ва Марко Боррьелло ҳисобига кучайтиришни режалаштирган.