“Галатасарой” таркибида намойиш этаётган ажойиб ўйини орқали ПСЖ, “Интер” каби гранд жамоалар эътиборини торта олган Алекс Теллес фаолиятини Англия чемпионатида давом эттирадиган кўринади.
Sky Sport Italia нашрининг ёзишича, Лондоннинг “Челси” клуби 22 ёшли бразилиялик ҳимоячини ўз сафида кўрмоқчи. Маълум бўлишича, томонлар аллақачон музокаралар столига ўтиришган. Агар барча масала ижобий ҳал бўлса, Теллес яқин кунлар ичида “Челси” аъзосига айланади.
Таъкидлаб ўтамиз, Алекс Теллес турк клубига 2013 йилда “Гремио”дан келиб қўшилганди.