«Динамо» жамоаси иккинчи давра олдидан бир қатор янги футболчилар билан расмий келишувга эришди.
Жумладан, Самарқанд футболи тарбияланувчилари Илҳом Юнусов, Дилшод Шарофутдинов ва Артём Филипосянлар куни кеча «Динамо» билан шартнома имзолашди.
Тажрибали ярим ҳимоячи Илҳом Юнусов «Динамо» сафига «Насаф» жамоасидан келиб қўшилган бўлса, Дилшод Шарофутдинов сўнгги мавсумни Малайзия чемпионатида ўтказган эди. Терма жамоамизга номзод 27 ёшли ҳимоячи Артём Филипосян эса «Бунёдкор» жамоасидан таклиф этилди.
Айни дамда иккинчи давра ўйинларига тайёргарликни давом эттираётган жамоамиз таркибида яна ўзгаришлар бўлади.
