«Бухоро» жамоаси 17-турда ўта муҳим учрашувни ўтказади. “Бухоро” сафарда “Динамо” жамоасига қарши ўйнайди. Биз одатдагидай ҳар иккала жамоаларнинг олий лигада ўзаро учрашувлар статистикасини сизларга ҳавола этамиз.
“Динамо” ва “Бухоро” олий лига мусобақаларида жами 41 маротаба куч синашишган. Устунлик “Бухоро” томонида. Учрашувларнинг 20 тасида бухороликлар зафар қучишган. 14 учрашувда самарқандликлар ғалаба қозонишган. 7 учрашувда жамоалар муроса кўчасини танлашган.
Тўплар нисбати бўйича ҳам устунлик “Бухоро” томонида 57:51.
“Бухоро”нинг “Динамо” устидан қозонилган энг йирик ғалабаси 6:0 га тенг. “Динамо”да бу кўрсатгич 4:1 ва 3:0 бўлиб турибди.
Ўзаро учрашувларда “Динамо” 49 очко, “БухорО” эса 67 очко жамғарган.
Биринчи даврада Бухорода бўлиб ўтган учрашувда 1:1 ҳисоби қайт этилган эди. Қизиқ томони шунда-ки, самарқандликларнинг голига ҳозир “Бухоро” футболчисига айланган Николай Чипев муаллифлик қилган. “Бухоро”нинг голига эса Жамшид Ҳасанов муаллифлик қилган эди.
