Бугун бўлиб ўтган "Машъал" - "Металлург" (1:1) учрашувидан сўнг матбуот анжуманини биринчи қисмида меҳмонлар бош мураббийи Рустам Мирсодиқов иштирок этди.

"Футболнинг қоидаси бор. Сен урмасанг сенга уришади. 1:0 ҳисобида ғалаба қозонаётган вақтимизда кўплаб имкониятларга эга бўлди. Агар яна бир бор гол киритиб 2:0 га ўтиб олганимизда ғалабани ушлаб қолар эдик. Ғалаба ҳар икки жамоага ҳам жуда керак эди. Мен "Машъал"дан ҳужумкор ўйин кутган эдим. Бу ўйинни рақиб кўрсатмади", - дейди Рустам Мирсодиқов.

- "Насаф" билан учрашувдан сўнг матбуот анжуманида воҳанинг барча жамоасини меҳмонда мағлуб этмоқчимиз деган эдингиз. Бу режангиз амалга ошди деб ўйлайсизми ?

Шуни ҳам ўйладим. Мана буни фурсати ҳам етиб келмоқда. Бугун ҳеч бўлмаа ҳисобни ушлаб қолганимизда "Машъал" ҳам мағлуб этилар эди. Ҳали ўз майдонимизда икки воҳа жамоасига қарши ўйин ҳам бор. Шу ўйинлардан сўнг бу режам қанчалик ўзини оқлаганини кўрамиз.

- Рақибни охирги учрашувларини кўриб чиққан бўлсангиз "Машъал"нинг муваффақиятсиз ўйинларига нима етишмаяпди деб ўйлайсиз?

Уларни ўйинларини кўрдим. Майдон эгаларидан ҳужумкор футбол кутган эдим. Улар битта вазият яратди ва ундан фойдаланди. Ҳужум чизиғида муаммоси кўп. Иккинчи бўлим қарши ҳужумда ўйнашни кўзлаган эдик лекин вазиятларда омадимиз келмади.

- Ёшлар лигаси баҳсида Шоҳназар Норбеков жуда ҳам мазмунли ўйин кўрсатмоқда. Нима учун ҳатто захира таркибида ҳам йўқ?

Норбековни оёғида кичик жароҳати бор. Уни олиб қолгандан фойда бўлмасди.