БАА Про Лигасида 2015/16 мавсум старт олди.
Илк тур учрашувлари анчагина қизиқарли тарзда кечди. Кутилганидек, “Ал Аҳли”, “Ал Айн” ва “Аш-Шабоб” жамоалари янги мавсумни ғалаба билан бошлашди. Лекин “Ал Жазира” ўз уйида “Ал Васл”га 1:2 ҳисобида имкониятни бой бериб қўйиб, кўпчиликни ажаблантирди.
Ҳамюртимиз Азизбек Ҳайдаров тўп сураётган Дубайнинг “Аш-Шабоб” клуби дастлабки турда ўз уйида “Шаржа”ни қабул қилиши ҳақида хабар берган эдик. Мазкур тўқнашувда майдон эгалари 2:1 ҳисобида зафар қучишди ва янги мавсумни кўтаринки руҳда бошлашди.
Ҳамюртимиз ўйинни бошланғич таркибда бошлади ва тўлиқ 90 дақиқа ўйнади. Учрашув якунланишига бир дақиқа қолганда Ҳайдаров қизиққонлиги сабаб сариқ карточка олишга ҳам улгурди.
БАА Про Лигаси. 1-тур.
Ал Аҳли – Фужайра 8:1
Дибба - Ал Ваҳда 0:4
Аш Шааб - Бани Яс 0:2
Ал Айн - Ад Дафра 3:1
Аш-Шабоб – Шаржа 2:1
Ан Наср – Эмирейтс 2:1
Ал Жазира - Ал Васл 1:2
