“Бунёдкор” – “Локомотив” учрашувидан кейинги матбуот анжуманининг биринчи қисмида “темирйўлчилар” устози Вадим Абрамов иштирок этди.
- Учрашув қизиқарли ўтди. Тенг курашлар остида кечган баҳсда ғалаба қозондик. Ўйин тақдирини биргина гол ҳал қилди. “Бунёдкор” биз учун кутилмаган ўйин услубини тақдим қилди. Ҳисобда олдинга чиқиб олган бўлсак-да, рақиб бу услубдан воз кечгани йўқ. Умуман олганда, “Бунёдкор” яхши ва жиддий жамоа, - деди Вадим Карленович.