Аввал хабар бериб ўтганимиздек, Шимолий Кореянинг Пхеньян шаҳрида халқаро турнир ўтказилмоқда.

Ташкилотчилар бунгача ушбу мусобақани Жанубий Корея ва Хитой мамлакатларида U-15 ва U-16 ёш тоифасида уюштиришганди. Турнирдан кўзланган асосий мақсад Шимолий ва Жанубий Корея мамлакатлари ўртасидаги алоқаларни мустаҳкамлашдир.

15 ёшли футболчилар ўртасида иккинчи бор ўтказилаётган “Ari Sports Cup” турнирида “Бунёдкор” футбол мактабининг 2000 йилда таваллуд топган футболчилари иштирок этишмоқда.

21-23 август кунлари мусобақанинг гуруҳ босқич учрашувлари бўлиб ўтди. Отабек Ғуломхўжаев мураббийлигидаги жамоамиз илк учрашувда мезбонлар – “Пхеньян” футбол мактаби тарбияланувчиларига 3:0 ҳисобида имкониятни бой бериб қўйишди. Лекин кейинги иккита баҳсда вакилларимиз Жанубий Кореянинг “Кангвондо” ва Хорватиянинг НК ОСИЕК клубларини 2:0 ҳамда 1:0 ҳисобларида мағлубиятга учратиб, ярим финалга йўлланма олишди.

Учрашувлар қитъамизнинг энг улкан аренаси бўлмиш Пхеньяндаги “Биринчи Май” стадионида ўтказилмоқда ва ўйинларни томоша қилиш учун стадионга 50-60 минглаб мухлислар йиғилаётганини мураббийларимиз етказишди.

2000 йилда таваллуд топган тарбияланувчиларимиз финал йўлланмаси учун Шимолий Кореянинг “4.25 спорт клуби” футболчилари билан куч синашадилар.

“А” ГУРУҲИ
1. “4.25 спорт клуби” (Шимолий Корея)
2. “Кёнгидо” (Жанубий Корея)
3. “Кунминг” (Хитой)
4. “Атлетико Сорокаба” (Бразилия)

1-тур, 21 август
“Кунминг” – “Кёнгидо” 0:3
“Атлетико Сорокаба” – “4.25 спорт клуби” 0:3

2-тур, 22 август
“Кунминг” – “Атлетико Сорокаба” 0:8
“4.25 спорт клуби” – “Кёнгидо” 0:3

3-тур, 23 август
“4.25 спорт клуби” – “Кунминг” 4:0
“Атлетико Сорокаба” – “Кёнгидо” 1:1

“В” ГУРУҲИ
1. “Бунёдкор” (Ўзбекистон)
2. НК ОСИЕК (Хорватия)
3. “Пхеньян” (Шимолий Корея)
4. “Кангвондо” (Жанубий Корея)

1-тур, 21 август
“Бунёдкор” – “Пхеньян” 0:3
НК ОСИЕК – “Кангвондо” 0:1

2-тур, 22 август
“Пхеньян” – НК ОСИЕК 5:1
“Бунёдкор” – “Кангвондо” 2:1

3-тур, 23 август
“Пхеньян” – “Кангвондо” 3:0
НК ОСИЕК – “Бунёдкор” 0:1

ЯРИМ ФИНАЛ
24 август
“4.25 спорт клуби” – “Бунёдкор”
“Пхеньян” – Атлетико Сорокаба”

5-ЎРИН УЧУН
“Кёнгидо” – “Кангвондо”

7-ЎРИН УЧУН
“Конмин” – НК ОСИЕК