Хабарингиз бор, ҳамюртимиз Сардор Рашидов энди фаолиятини Қатар Юлдузлар Лигасида давом эттиради.
“Ал Жайиш” клуби билан уч йилга мўлжалланган шартномага имзо чеккан Рашидов аллақачон жамоаси билан янги мавсумга ҳозирлик кўрмоқда.
“Ал Жайиш” жамоаси матбуот хизматининг маълум қилишича, бугун ушбу клуб Дуҳайлдаги ўз қароргоҳида янги мавсум олдидан харид қилган янги ўйинчилари тақдимот маросимини ўтказади. Унда ҳамюртимиз Сардор Рашидов билан биргаликда марокашлик Абдул Раззоқ Хамдалла ва маҳаллий футболчилар Усмон ал Халифа Яҳри ва Абу Бакр иштирок этишади.
Ҳалироқ мазкур маросимдан фотолавҳаларни ҳам эътиборингизга ҳавола этамиз.
Таъкидлаб ўтамиз, Қатар Юлдузлар Лигасида янги мавсум 11 сентябр куни старт олади.
