"Милан" футболчилари янги бош мураббий Синиша Михайловичнинг қаттиққўл иш услубидан норози бўлмоқдалар.
Жамоанинг етакчи ўйинчилари раҳбариятга ўз шогирдларини омма олдида танқид қиладиган 46 ёшли серб мутахассиси устидан шикоят қилдилар. Шунингдек, чоршанба кунги ўртоқлик учрашувидан сўнг Михайлович шундай деди: "Бугун захира ўйинчилари ўйнадилар, шунинг учун уларнинг захира ўйинчилари эканлиги дарров билинди".
La Gazzetta dello Sport хабарига кўра, жума куни клуб президенти Сильвио Берлускони ва вице-президенти Адриано Галлиани Михайловични кечки овқатга таклиф қилиб, вазиятни тушунтирдилар.
"Милан" ишқибозлари эса доим жамоани ҳимоя қиладиган Индзагидан фарқли ўлароқ Михайловичнинг қаттиққўллигини қўлламоқдалар.
Эслатиб ўтамиз, "Милан" А сериянинг навбатдаги турида "Интер" билан ўйнайди.
