Ёзги трансфер бозори вақтида ўзига жамоа топа олмаганлар ҳам бўлди. Ачинарлиси, улар орасида кучли футболчиларни ҳам учратиш мумкин. Афсуски, бешавқат вақт бу футболчиларни жамоасиз қолишига ҳам сабаб бўлди. Қуйида шундай ўйинчилар хусусида сўз юритамиз.
 
Якубу Айегбени, Нигерия

Сўнгги жамоаси: “Рединг”
 


“Эвертон”, “Блэкберн” сингари жамоаларда юлдузлик онларини ўтказган Якубу Айегбени эндиликда жамоасиз қолди. Ўтган мавсумни чемпионшип вакили “Рединг” клубида ўтказган ҳужумчи хизматига қизиқиш бўлгани йўқ. Шу боисдан у жамоасиз қолиб кетди. Сўнгги йилларда футболчининг фаолиятида кескин пасайишлар юзага келган. У шу туфайли, жамоаларини тез-тез алмаштирмоқда.
 
Жои Бартон, Англия

Сўнгги жамоаси: “КПР”
 


Бартон ҳам жамоасиз қолди. “КПР” қуйи лигага тушиб кетганидан сўнг жамоа таркибида катта ўзгаришлар қилди. Катта маош оладиган футболчилар хизматидан воз кечди. Хусусан Жои ҳам шу рўйхатдан ўрин олди. Унга “Вест Хэм” клуби томонидан таклиф тушганди. Бироқ унинг “болғачилар”га кўчиб ўтиши амалга ошмай қолди.
 
Рон Влар, Голландия
 
Сўнгги жамоаси: “Астон Вилла”
 


Эътибор беринг, “Манчестер Юнайтед” сотиб олишни жуда истаган ҳимоячига таклиф бўлмади ва у ҳам бўш ўйинчига айланди. “Астон Вилла” билан ўз ихтиёри билан келишувни узайтирмаган Влар эндиликда жамоасиз қолиб кетмоқда. Шу тариқа, у янги таклифлар кута бошлади. Ҳозирча қизиқишлар йўқ.
 
Эммануэль Эбуэ, Кот-дъИвуар

Сўнгги жамоаси: “Галатасарой”
 


“Арсенал”да юлдузлик онларини ўтказган Эбуэ охирги жамоаси “Галатасарой” бўлиб турганди. Африкалик футболчининг шартномаси поёнига етганидан сўнг у эркин агентга айланди. Шундан сўнг унинг олдида таклифлар йўқ эди. Натижада, Эммануэль ҳам жамоасиз қолди.
 
.Георгиос Самарас, Греция

Сўнгги жамоаси: “Вест Бромвич”


 
Саудия Арабистонининг энг кучли жамоаси “Ал Хилол” клубида тўп сурган Самарас ҳам эндиликда жамоасиз қолди. “Вест Бромвич” клуби билан келишуви бўлган грециялик ҳужумчи “буғулар” билан шартномани бекор қилди. Шундан сўнг у ҳам эркин агент мақомини олиб, бугунги кунда ҳеч қайси жамоада тўп сурмаяпти. Самарас олдида Ҳиндистон варианти чиққанди. Бироқ у ҳинд ўлкасига йўл олишни истамаганди.