“Рома” ярим ҳимоячиси Миралем Пьянич жароҳат сабаб уч ҳафтага сафдан чиқди. Бу ҳақда Football Italia га асосланиб Sports.ru хабар тарқатган.
25 ёшли хавбек якшанба куни Босния ва Герцоговина терма жамоасининг Евро-2016 доирасида Андоррага қарши ўтган ўйини (3:0) танаффус вақтида алмаштирилганди.
Хабарга кўра, футболчи болдиридан жароҳат олган. Пьяничнинг тикланишига 15-20 кун вақт кетади.
Шу тариқа, Пьянич А Серия доирасида “Фрозиноне”, “Сассуоло” ва “Сампдория”га қарши учрашувлар, шунингдек, ЕЧЛ доирасида 16-сентябрда “Барселона”га қарши ўтадиган ўйинни ўтказиб юборади.
