“Барселона” ҳимоячиси Томас Вермален ўтган мавсумда оғир дамларни ўтказганини тан олди.
Бельгиялик футболчи ўтган йили ёзда “Арсенал”дан харид қилинган, аммо тиззасидаги жароҳат сабаб янги клубда деярли майдонга тушмаганди.
“Бу жуда оғир мавсум бўлди. Энг аввало жароҳатим борлиги учун. Янги клубга келган вақтинг ўз устунликларинг ва маҳратингни намойиш қилишни истайсан, аммо жароҳат бунда ҳалал бериши мумкин. Шунингдек, янги ҳаёт ва янги чемпионатга ҳам кўникиш лозим эди: бу ўзгача турмуш тарзи, янги шаҳар, янги мураббий, жамоадошлар дегани. Бу йилги мавсумда йиғинларда иштирок этганим жуда яхши бўлди. Бу ҳар қандай футболчи учун яхши пойдевор бўлиб хизмат қилади”, — дея Вермаленнинг “Барселона” расмий сайтига берган интервьюсидан иқтибос келтиради Championat.com.
