“Орол” – “Хотира-79”(1:0) жамоалари учрашувида ягона голга муаллифлик қилиб, учрашув қаҳрамонига айланган Нукусликлар ҳужумчиси Ойбек Рўзимов учрашув ҳақидаги фикрларини билдириб ўтди.

- Жароҳатим боис сўнгги ўйинларда майдонга туша олмаган эдим. “Оқ-тепа” ва “Косонсой”га қарши ўйинларда жамоамга ёрдам бера олмаганимдан афсусланардим. Кетма-кет мағ лубиятлардан кейин ўз устимда янада кўпроқ ишлашга ҳаракат қилдим. Ўйинга келсак аввалига асосий таркибда майдонга тушмасам керак деб ўйлагандим. Аммо мураббий менга яна бир бор ишонч билдирди. Натижада ўйинга бошқача иштиёқ билан тушдим. Худога шукр ҳаракатларим зое кетмади. Жамоамга ёрдамим тегганидан хурсандман.

- Рақиб жамоа ҳақида нима дейсиз?
- Рақиб ҳам ёмон ўйнамади. Наманганликлар асосан қарши ҳужумларга таяниб ҳужум ташкил қилишди. Иккинчи бўлим ўрталарида улар бир-иккита қулай имкониятларга ҳам эга бўлишган эди, аммо якуний зарбалари ноаниқ чиқди. Омад ҳам шу куни биз томонда эди.

- Кейинги ўйинга тайёргарликлар қандай кетяпти?
- Биз кетма-кет мағ лубиятлардан тегишли хулоса чиқардик ва яна олдингидек мухлисларни хушнуд қилишга ҳаракат қиламиз. Бизни стадионда қўллаб-қувватлаётган мухлисларга раҳмат!

Фурқат Юсупов суҳбатлашди
Манба: www.Furkat.uz