Бугун Испания чемпионатининг 3-турида “Эспаньол” ўз майдонида “Реал”ни қабул қилади. Биз ушбу жамоаларнинг Ла Лигадаги ўзаро учрашувлари тарихи ва бир қатор қизиқарли факт, маълумотларни сизнинг эътиборингизга ҳавола этамиз.
Учрашувлар сони: 162
“Реал”ғалабаси: 95
“Эспаньол” ғалабаси: 34
Дуранг: 33
Тўплар нисбати: 353:189
“Эспаньол” ва “Реал” жамоалари Испания чемпионатида шу кунга қадар 162 марта ўзаро рақиб бўлишган. Ўйинларнинг ярмидан кўпида, яъни 95 тасида “Қироллик клуби” ғалабани ўз томонига оғдирган. Каталонияликлар эса ҳозирча 34 марта Мадрид суперклубини таслим қилган. Қолган 33 та беллашувда томонлар муроса кўчасини танлашган. Тўплар нсибати бўйича ҳам яққол устунлик “Реал”да 353:189
“Корнеля Эл Плат”даги охирги 5 ўйин: 1:4, 0:1, 1:1, 0:4, 0:1
“Эспаньол” “Реал”га қарши ўз майдонидаги охирги 5 ўйиннинг 4 тасида имкониятни бой берган. Каталонияликлар фақатгина бир марта дуранг қайд этишган.
“Сантяго Бернабеу”даги охирги 5 ўйин: 3:0, 3:1, 2:2, 5:0, 3:0
“Реал” “Сантяго Бернабеу”да “Эспаньол”га қарши охирги 5 ўйиннинг 4 тасида ғалаба қозонган ва биттасида муроса кўчасини танлаган.
Учрашувга оид қизиқарли фактлар:
1. “Эспаньол” “Реал”ни 15 ўйиндан бери мағлубиятга учрата олмаяпти. Каталонияликлар 3 марта дуранг ўйнаб, 12 бора мағлуб бўлишган.
2. “Реал” “ спаньол”га охирги марта 2007 йилнинг 20 октябрида имкониятни бой берган (1:2)
3. “Эспаньол” “Реал”ни ўз майдонида 7 ўйиндан бери юта олмаяпти. Клуб “Қироллик клуби”га қарши кечган ана шу 7 ўйиннинг 6 тасида имкониятни бой берган.
4. “Реал” ўз майдонида 19 ўйиндан буён “Эспаньол”га ютқазмаяпти. Ана шу ўйинларда мадридликлар 16 ғалаба ва 3 та дуранг қайд этишган.
5. Эспаньол” охирги марта “Сантяго Бернабеу”да 1996 йилда ғалаба қозонган (2:1)
6. “Эспаньол” “Реал”га қарши сўнгги 35 ўйиннинг 5 тасида ғалаба қозонган.
Фурқат Юсупов тайёрлади
Манба: www.Furkat.uz
