Матбуот анжуманининг иккинчи қисмида “Насаф” бош мураббийси Рўзиқул Бердиев ўйин ҳақидаги фикрлари билан ўртоқлашди.
-“Шўртан”нинг голи бизнинг футболчиларни уйғотди. Унгача футболчиларимиз “ухлаб” ўйнади. Тезкор жавоб голи биз учун фойда бўлди.
-Кейинги учрашувда Ҳамза Каримов ва Рой Рокни кўрамизми?
-Рой Рок тиббий кўрик бўйича муаммоларини ҳал қила олмаяпти. Ҳамза Каримов машғулотда жароҳатини янгилаб олди.
-Бугун ғалаба қозонган бўлса-да, “Насаф” кутилганидек ўйнамади?
-Орадаги танаффус катта таъсир ўтказди.
-“Локомотив” билан бизни кутаётган иккита оғир ўйингача футболчилар тайёр бўла олишадими?
-“Локомотив” ҳам бугун оғир ўйин ўтказди. Кубок финалига чиқишга бор кучимиз билан ҳаракат қиламиз
-Алланиёзов тезда жамоага киришиб кетди. Кенжа Тўраевнинг қайтиши қийин кечмоқда?
-Кенжа Тўраев Азамат Алланиёзовдан тўрт ҳафта кейин машғулотларга киришди. Футболчи профессионал бўлиши керак. Кенжа кўпроқ ўз устида ишлаши керак.
-Гадоевни нега алмаштирдингиз?
-Гадоев озроқ оқсай бошлагандек кўринди. Заҳирада ўйин тизгинини ўзгартирадиган футболчилар камлиги боис уни кейинги учрашувга сақладик десак ҳам бўлади.
Олим ТОЛИПОВ ёзиб олди.
