«Динамо» - «Навбаҳор» (2:1) учрашувидан сўнг дастлаб «Навбаҳор»бош мураббийи Бахтиёр Ашурматов учрашув борасида фикрлашди.

- Бугун тенгкучли бўлган рақиблар ўртасида ўйин бўлди. Ҳар икки жамоага ҳам ўйиндан олдин очко жуда зарур эди. Ўйинни тенгкурашлар остида ўтди деган бўлардим. Фақатки «Динамо» яратилган имкониятларини голга айлантириб, ғалаба қозонишга эришди. Рақиб голи ўйин охирида киритилгани учун бизда жавоб тўпини киритиш учун деярли вақт қолмаганди. Омад рақибларга кулиб боқди.

- Учрашувнинг биринчи бўлимида Алишер Маҳмудовнинг жароҳати боис мажбурий ўзгаришга қўл урдингиз. Бу ўзгариш жамоа ўйинига салбий таъсир кўрсатдими?

- Биринчи бўлим якунидаги ўзгаришни иккинчи бўлим бошида қилишни режалаштираётгандим. Чунки биз мағлубиятга учраётгандик. Шу боис иккита ҳужумчи билан тўп суришни ўйлаб, Улуғбек Бақоевни майдонга туширишни режалаштиргандим. Айтмоқчиманки, мажбурий ўзгариш ўйинимизга салбий таъсир қилгани йўқ.

- Жамоа мавсум якунларига кўра ўз олдига қўйилган вазифани уддалай оладими?

- Бу йилги шароитимиздан келиб чиқиб 6-ўринни олишни режалаштиргандик. Сўнгги икки ўйиндаги мағлубият эса бу вазифани бажаришни мушкул иш қилиб қўйди. Қолаверса, кучли бешликдан ташқарида қолган жамоалар орасидаги очколар фарқи катта эмас. Биз ҳар қандай ҳолатда ҳам мавсум сўнггига қадар бор куч ва имкониятимизни ишга соламиз.