«Челси» бош мураббийи Жозе Моуриньо жамоасининг Англия чемпионати старти борасида ўз фикрларини билдириб ўтди. Эслатиб ўтамиз, лондонликлар АПЛнинг дастлабки 5та ўйинидан кейин 4 очко билан жадвалда 16-ўринни эгаллаб туришибди.

«Ушбу натижа — фаолиятимдаги энг ёмони. Бу менинг маҳоратимга, даражамга тўғри келмайди. Лекин мен вазиятдан чиқиб кетаман, ҳеч қандай босимни ҳис қилмаяпман. Мен ўз жойимдаман. Кимдир менинг ўрнимга келиб, вазифани яхши бажаради деб ўйламайман.

Соврин ютиш учун натижаларни яхшилашимиз керак, лекин энди бошқа жамоаларнинг натижасига боғлиқмиз, бошқалар ҳам очко йўқотиши лозим. Ҳаттоки мусобақанинг қолган барча ўйинларда ғалаба қозонсак ҳам, қолганларга боғлиқ бўлиб қолаверамиз.

Лекин хотирингиз жам бўлсин: "Челси" келаси мавсумда чемпионшипда ўйнамайди. Илк турлардан бошлаб ҳозирги эга бўлиб турган натижамизга нисбатан яхшироқ натижага муносиб ўйнагандик», – дейди Моуриньо.