АҚШлик машҳур боксчи Флойд Мейвезер Андре Бретога қарши ўтказган жанги фаолиятидаги охирги жанги эканлигини яна бир бор тасдиқлади.
“Менинг фаолиятим поёнига етди. Ҳар доим қачон тўхташ кераклигини билиш керак. Ҳозир буни мен ҳам қилишим вақти келди.
Мен боксда 19 йил ўтказдим ва ундан 18 йили давомида чемпион бўлдим, шунинг учун мен кимгадир яна ниманидир исботлашимга ҳожат қолмади.
Мен ўзимни молиявий томондан яхши ҳис қилмоқдаман ва ҳозир мен ажойиб соғлиққа эгаман. Ўзимнинг тарихдаги ўрним ҳақида гапиришни истамайман, буни бокс мухлислари муҳокама қила қолишсин.
Бироқ менинг рекордларимдан кимдир қачондир ўтиб кетишини кўришга сабрим чидамяпти”, деб айтмоқда боксчи.
Маълумотларга кўра, Мейвезерга 12 сентябрда Андре Бретога ўтказган ўз фаолиятидаги 49- ва охирги жанги учун 32 млн доллар, унинг рақибига эса 4 млн доллар ваъда қилинган эди.
