“Реал” бош мураббийи Рафаэль Бенитес қачонлардир “Ливерпуль” собиқ сардори Стивен Жеррард билан тортишиб қолгани ҳақидаги маълумотни рад этди.
“Стивен Жеррард. Менинг тарихим” китобида футболчи Бенитес ҳеч қачон уни инсон сифатида ҳурмат қилмаганини ёзган.
“Мен бу сўзларни ўқидим. Aминманки, Стивен қаттиқ янглишмоқда. Жеррардга, “Ливерпул”га ва унинг мухлисларига ҳурмат сақлаган ҳолда шуни айтмоқчиман: яхшиси бунга эътибор бермаган маъқул. Тез орада унинг китоби сотувга чиқади, мен эса “Реал” устозиман. Бу жиҳат табиийки китобга бўлган қизиқиш ва талабни оширади”, - дея Championat.com Daily Mail нашрига таяниб Бенитеснинг сўзларини келтиради.
