Россия терма жамоаси собиқ бош мураббийи Фабио Капелло “Барселона”нинг амалдаги устози Луис Энрике “Рома”да ишлаган вақтида жамоага каталонияликлар ўйин услубини сингдиришга уриниб хато қилганини айтиб ўтди.
Эслатиб ўтамиз, испаниялик мутахассис Рим клубини 2011/12-йилги мавсумда бошқарган ва ўша мавсумда “бўрилар” А Серия мусобақа жадвалида 7-ўринни эгаллашганди.
– Луис Энрике “Рома”га “Барселона” ўйин услубини сингдиришга уринганди, – дея Капелло сўзларини келтиради Fox Sports га таяниб Спорт Экспресс. – Бундай қилиб бўлмайди. Месси ва Неймарсиз тўпни ўз назоратида ушлаб туришда мантиқ йўқ. Испаниялик мураббийнинг Италиядаги хатоси шу эди. Лекин у барибир яхши мураббий бўлиб қолаверади.
