Аргентина футбол терма жамоасининг собиқ юлдузи, афсонавий Диего Марадона навбатдаги гал ФИФА президенти Йозеф Блаттер ва УЕФА президенти Мишель Платинини танқид қилди.
“Мен буларнинг барчасидан четдаман, чунки Блаттер мен учун барча эшикларни ёпиб қўйган. Мен ўғримасман, Блаттер эса футболга кўплаб зиён етказган. Энди бўлса Платини билан бирга – бу майнабозчиликдан бошқа нарса эмас. Улардан бири ўзини ФИФА, бири УЕФА раҳбаридек кўрсатмоқда. Аслида улар ҳамиша ёнма-ён борадилар. Блаттер Платинига ўргатган ягона нарса ўғрилик қилишдир.
Агар Иордания шаҳзодаси Али ибн Ал-Ҳусайн ФИФА президенти лавозимини ютса, унда мен вице-президент бўламан”, деб айтди Марадона Неаполнинг PiuEnne телеканали эфирида.
