Чемпионлар лигасининг дастлабки турида Лондоннинг "Челси" жамоаси ўз майдонида Тел-Авивнинг "Маккаби"сини қабул қилиб йирик ҳисобда ғалаба қозонди. Furkat.uz сайти ушбу учрашувга оид қизиқарли маълумотларни эътиборингизга ҳавола этади.

1. Ушбу клублар cеҳмпионлар лигасида илк бора учрашишди.

2. “Челси”нинг Чемпионлар лигасидаги мағлубиятсиз серияси 9 ўйинга етди. Моуриньо шогирдлари охирги марта 2013/14 йилги мавсум ярим финалида “Атлетико” (1:3) дан таслим бўлишган эди.

3. Тел-Авивликлар Чемпионлар лигасида тўртинчи сафар ўйинларини ўтказишди. Улар ана шу ўйинларнинг барчасида имкониятни бой беришган.

4. Ўйинда ҳисобни очган Виллиан ўзининг Чемпионлар лигасидаги юбилей 10-голини киритди. Ана шу голларнинг иккитасини у “Челси” либосида нишонлаган.

5. “Аристократлар” ярим ҳимоячиси Оскар Чемпионлар лигасида 16 ўйиндан буён гол ура олмай келаётган эди. Бу сафар у ана шу нохуш анъанасига барҳам берди.

6. “Челси” ҳужумчиси Диего Коста ниҳоят ушбу жамоа таркибида Чемпионлар лигасидаги илк голини урди. Испаниялик ҳужумчи бундан олдинги 7 та ўйинда гол ура олмай келаётган эди.

7. “Челси” ярим ҳимоячиси Франческ Фабрегас турнирдаги 90-учрашувини ўтказди.

8. Испаниялик ярим ҳимоячи шу куни мусобақадаги 19-голини урди.

Фурқат Юсупов тайёрлади
Манба: www.Furkat.uz