Қисқа муддатли танаффусдан сўнг яна аёллар футболи бўйича Ўзбекистон чемпионати Олий Лига баҳслари старт олди.
Бугун 15-тур учрашувлари доирасидаги илк ўйин бўлиб ўтди. Унда “Олмалиқ” ва “Тўмарис” жамоалари ўзаро тўқнаш келишди. Мезбонларнинг тўлиқ устунлиги остида ўтган ўйинда жами 8 та гол киритилди ва барча голлар хоразмлик қизлар дарвозасидан жой олди.
"Олмалиқ" - "Тўмарис" - 8:0
Голлар: Айнура Даулбаева, Ораста Тожибоева (3), Комила Зарипова (3), Ўғилой Холбоева.
Чемпионатдаги кейинги ўйин ҳам “Тўмарис” иштирокида бўлади. Унда хоразмликлар 17-турнинг кўчирилган матчида “Локомотив”га қарши баҳс юртиади. Ўйин 20 сентябр куни Тошкент вилоятидаги “Дўстлик” ўйингоҳида бўлиб ўтади.
