“ПСВ” билан ўйинда оёғини синдириб олган “Манчестер Юнайтед” ҳимоячиси Люк Шоу такроран операция столига ётқизилди.
Эслатиб ўтамиз, футболчи Эктор Моренонинг тўпга ўта хавфли ташланиши натижасида жароҳат олган ва стадионнинг ўзидан шифохонага олиб кетилганди.
У ерда Шоу дастлабки операцияни бошдан кечирди. Шундан кейинги текширувлар яна бир жарроҳлик операцияси зарур эканин кўрсатди.
Bombardir.ru сайтининг хабар беришича, футболчи иккинчи операцияни ҳам муваффақиятли ўтказган. Шоунинг жароҳатидан бутунлай ҳалос бўлиши учун 6 ойдан 9 ойгача вақт кетади.
