“Сельта” бош мураббийи Эдуардо Бериццо “Барселона” устидан қозонилган йирик ғалаба хусусида тўхталиб ўтди.
“Аспас дарвозабонларга жуда катта хавф туғдира олади, шу билан бирга юқори тезлиги билан ҳимоячилар учун ҳам “бош-оғриқ” ҳисобланади. Бизда жуда кўплаб вазиятлар юзага келди. Биз ғалаба қозондик, бу эса танлаган ўйин услубимиз тўғри эканини англатади. Бугунги муваффақият – менинг ўйинчиларим учун улкан ютуқдир. Баҳс айнан бизнинг режамиз асосида кечди. Биз ярим ҳимоячи ва ҳужумчиларга жиддий қаршилик кўрсатиб, уларнинг эркин ҳаракатланишига асло йўл қўймадик. Бу ажойиб рақиб устидан қозонилган муҳим ғалаба. Аммо бизнинг вазифамиз аввалгидек қолаверади. Биз дунёнинг энг кучли жамоасини енгдик, аммо бундан ҳаволаниб кетмоқчи эмасмиз”, - дея Sports.ru Бериццонинг сўзларини келтиради.
