Ўзбекистон чемпионатининг 16-туридан ўрин эгаллаган “Металлург-вумен” – “Тўмарис” учрашувида бекободлик қизлар янги рекордни ўрнатишди. Улар рақибалари дарвозасига 18(!!!) та гол киритган ҳолда ўз дарвозаларидан битта тўп олиб чиқишди. Бу аёллар футболимиз тарихидаги ҳам энг йирик ҳисобдаги ғалабадир. Мазкур учрашувда чемпионат тўпурари Людмила Карачик 9 (!!!) та гол уриб, жами киритган голлари сонини 53 тага етказиб олди. аёллар Рональдуси номини олаётган тўпураримиз мавсум охиригача Криштиануга ҳам сабоқ берса ажабмас. Людмиладан ташқари бу ўйинда Лутфинисо Ҳамидова (6 та гол), камола Бердиева (2 та) ҳамда Нозима Камолтоевалар ҳам ўз ҳисобларига гол ёзиб қўйишди. Ушбу ғалабадан кейин бекободлик қизлар мусобақа жадвалида биринчи ўринга кўтарилиб олишди. Аммо энг яқин таъқибчи, Ўзбекистоннинг ўн карра чемпиони “Севинч” бекободлик қизлардан иккита ўйин кам ўтказган. 18 – 24 сентябрь кунлари ўтказилган учрашувлар: "Олмалиқ" - "Тўмарис" - 8:0 (Айнура Даулбаева, Ораста Тожибоева-3, Комила Зарипова-3, Ўғилой Холбоева).  "Локомотив" - "Тўмарис" - 5:3 (Гулруҳбегим Хўжаева, Майя Назарова, Азиза Норбоева, Зарина Бобоева-2 – Барчиной Эшмурадова, Дильноза Бектемирова-2). "Шўртан" - "Машъал" - 1:7 (Мафтуна Бахтиёрова – Дилдора Эргашева, Малика Бурхонова-3, Шаҳноза Қурбонова-3). "Бунёдкор" - "Тўмарис" - 9:1 (Лианна Нарбекова-5 (1 таси пенальтидан), Умида Зоирова-2, Тожинисо Рашидова-2 – Дилноза Ўктамова). "Металлург" - "Тўмарис" - 18:1 (Людмила Карачик-9, Лутфинисо Ҳамидова-6, Камола Бердиева-2, Нозима Камолтоева – Шаҳноза Эрматова) Бугунги кунгача бўлган вазият:

№	Жамоалар	Ў	Ю	Д	М	Т-Н	О
1	"Металлург"	15	13	1	1	103-8	40
2	"Севинч"	13	13	0	0	66-6	39
3	"Бунёдкор"	15	10	1	4	58-15	31
4	"Гули"	14	8	3	3	24-15	27
5	"Андижанка"	14	8	3	3	36-12	27
6	"Машъал"	14	7	5	2	33-12	26
7	"Алмалык"	15	7	3	5	25-31	24
8	"Бухара"	14	4	2	8	10-35	14
9	"Локомотив"	15	4	1	10	22-63	13
10	"Нефтчи"	14	2	2	10	9-38	8
11	"Шуртан"	15	1	1	13	10-74	4
12	"Тумарис"	18	0	0	18	16-103	0

Тўпурарлар: 1. Людмила Карачик ("Металлург")– 53   2. Зебо Жўраева ("Севинч")– 28. 3. Лианна Норбекова (“Бунёдкор”)– 18. 4. Наргиза Абдурасулова - "Металлург", Кристина Чунакова - "Бунёдкор", Улдона Тўхтаева - "Гули" – 14 тадан.