"Насаф"нинг Олий лигадаги 1000-голи муаллифига айланган Илҳом ШОМУРОДОВ "Навбаҳор" устидан қозонилган ғалабадан сўнг ўз фикрларини билдирди.

- Аввало ғалаба қозонганимиздан хурсандман. 1000-гол уришни кутмагандим. Бу албатта жуда ёқимли бўлди. Ўйиндан аввал бу ҳақида билардим, аммо учрашув бошлангач хаёл фақат баҳсга қаратилганди. Гол урганимдан сўнг Артур Геворкян олдимга келиб, қўли билан 1000-голни урганимни кўрсатди ва биринчи бўлиб табриклади. Бундан албатта жуда бахтиёрман. Тарихга кириш ҳар бир футболчига ёқимли ҳисларни тақдим этади.

Ўйинда катта устунлик биз томонда бўлди ва муносиб тарзда ғалабани қўлга киритдик. Тезкор киритилган гол ҳам йирик ҳисобда ғалаба қозонишимизга сабаб бўлди дея оламан. Бу борада омад ҳам биз томонга кулиб боқди. Учрашув натижаси адолатли бўлди ва чиройли ғалабага эришдик.