27 сентябрь оқшомида "Жузеппе Меацца"да мезбон жамоа "Интер"ни 4:1 ҳисобида мағлуб этиб қайтган "Фиорентина" 6-тур якунларига кўра, А серия турнир жадвалида пешқадамга айланди.
Бу эса флоренцияликларнинг 1999 йилдан буён илк марта турнир жадвалининг энг юқори қисмига кўтарилиши бўлди.
1999 йилнинг февралида, А сериянинг 20 тур якунларига кўра "Фиорентина" 42 очко билан биринчи ўринга чиқиб олган, аммо ўша мавсум охирида жамоа пешқадамликнинг бой бериб, учинчи ўрин билан кифояланганди.
Айни вақтда жамоа ҳисобида 5та ўйиндан кейин 15 очко жамғарилган. Кейинги турларда "Фиорентина"ни "Аталанта", "Наполи" ва "Рома" каби кучли жамоаларга қарши жиддий ўйинлар кутиб турибди.