Испания Ла Лигасида 6-тур учрашувлари ҳам ортда қолди.
“Вильярреал” ҳамда “Сельта” каби жамоалар 6 тур мобайнида мағлубиятга учрамай ҳаммани лол қолдириб келишаётган бўлса, “Малага” шу 6 та ўйин давомида бирор марта ҳам гол кирита олмай барчани ажаблантирмоқда.
Гап шундаки, жанубликлар чемпионат стартидаги 6 та ўйиннинг бирортасида рақиб жамоа дарвозасини ишғол эта олишмади ва бу орқали ўзига хос антирекорд сохибига айланишди. “Малага” 3 бор 0:0 ҳисобида дуранг ўйнаган бўлса, яна 3 марта кичик ҳисобда имкониятни бой бериб қўйди.
Шу тариқа, “Малага” 6-турдан сўнг 3 очко билан мусобақа жадвалининг 18-поғонасини банд этиб турибди.
