"Насаф" футболчиларига "Металлург"га қарши ўйиндан сўнг қисқа муддатли танаффус берилди.
 
Кеча Олий лиганинг 24-тури доирасида "Металлург"га қарши баҳс олиб борган жамоамиз Артур Геворкяннинг ягона голи эвазига муҳим ғалабани қўлга киритди. Жамоа бош мураббийи Рўзиқул Бердиев ФИФА кунлари туфайли юзага келган қисқа танаффусдан фойдаланиб футболчиларга 3 кунлик дам берди.

Жамоа аъзоларидан Элдорбек Суюнов ва Шуҳрат Муҳаммадиев мамлакатимиз бош жамоаси иҳтиёрига кетишган бўлса, легионеримиз Артур Геворкян Туркманистон терма жамоаси лагерига жўнаб кетди. Қолган футболчилар эса 4 октябрь куни Қаршидаги қароргоҳимизда тўпланишади ва "Нефтчи"га қарши ўйинга тайёргарликни бошлашади, дейилади клуб расмий сайтидаги хабарда.