Сўғдиёна” – “Динамо” учрашувидан сўнг бўлиб ўтган матбуот анжуманида мезбонлар бош мураббийи Даврон Файзиев қатнашди, дейилади "Сўғдиёна" расмий сайтида.

— Бугунги ўйинда мағлубиятга учрашимизда энг асосий сабаб — имкониятлардан фойдалана олмаслигимиз бўлди. Мағлубиятга учраётган бўлсакда, қанча вазиятлар юзага келди. Самарқанд жамоасининг иккала голи ҳам кутилмаган голлар бўлди. Балки биз биринчи бўлиб тўп киритганимизда ғалаба қозонармидик. Биринчи гол рекошет ҳолатидан кириб кетди. Агар биз бугун ғалаба қозонганимизда вазифамизни 60-70%га бажарган бўлардик. Олдинда қийин ўйинлар кутаяпти. Менимча турнир жадвали сўнгги пағоналаридаги тиғизлик сўнгги турларгача сақланиб турса керак. Бизга етишмаётган нарса бу маҳорат бўлаяпти. Биз ҳеч қачон ҳимояга ётиб олиб ўйнамаймиз. Ҳар қандай жамоа билан, у кучлими ёки кучсиз рақибми ҳар бир ўйинда мухлисларга ёқадиган ўйин кўрсатиш учун майдонга тушамиз. Биз учун ҳар бир ўйин финалдек ҳисобланади.