"Барселона” клуби ташкил қилинганининг 115 йиллиги муносабати билан тайёрланган ҳужжатли фильм тақдимотига ҳам оз фурсатлар қолди.
“Барселона” орзуси” фильми жамоа ташкил топган илк даврдан то ҳозирги вақтни, Жоан Гампердан Лионель Мессигача клуб босиб ўтган шонли йўлни қамраб олади.
“Картинани яратиш устида 2 йил вақт сарфланди. Бу вақт ичида тарихий материаллар, фото ва видеофрагментлар тўпланди, 3D-анимация ишлаб чиқилди, бир қатор интервьюлар ёзиб олинди.
Якуний натижа – ушбу фильм клуб қалби ва унинг афсоналари тўғрисида. Қолаверса у “Барса” қай тариқа ўзининг ажойиб ўйин услубига эга бўлиб бутун дунёда машхурлликка эришгани ҳақида ҳикоя қилади”, - дея Eurosport.ru Bleacher Report нашрига таяниб клуб баёнотини келтиради.
Каталонияликлар ўзларининг расмий YouTube-каналида фильм трейлерини намойиш қилишди.
