Олий лигада юзага келган танаффусдан унумли фойдаланиш мақсадида “Локомотив” 10 октябрда куни ўртоқлик учрашуви ўтказади. “Темирйўлчилар” шу ҳафтанинг шанба куни Бекободнинг “Металлург” клубига қарши назорат баҳсида майдонга тушишади.
Бу ўйинда “Локомотив”нинг терма жамоага чақирилган фуболчилари иштирок эта олишмайди. Хусусан, Игнатий Нестеров, Шавкат Муллажонов, катта Жасур Ҳасанов, Ислом Тўхтахўжаев, Марат Бикмаев ва Санжар Шоаҳмедов айни пайтда миллий терма жамоа билан Баҳрайнга қарши тайёргарлик кўришяпти.
Бобур Йўлдошев билан Икром Алибоев эса 9 октябрдан олимпия терма жамоамиз ихтиёрида бўлишади. “Металлург”га қарши ўйин соат нечада ва қайси стадионда бўлиб ўтиши ҳақида кейинроқ маълумот берамиз.
