Бугун Ўзбекистон миллий терма жамоаси сафида 84 та ўйин иштирок этиб, 29 бор рақиблар дарвозасини ишғол этишга муваффақ бўлган тажрибали ҳужумчи Александр Гейнрихнинг туғилган куни!
Маҳоратли форвард бугун 31 ёшга тўлди. Ҳозирда қўшни Қозоғистоннинг “Ордабаси” жамоаси таркибида тўп сураётган Гейнрих ўз фаолияти давомида Ўзбекистон, Россия, Жанубий Корея, Қозоғистон ҳамда БАА чемпионатларида ўйнашга ва мухлислар орттиришга улгурди. Уни қойилмақом ўйини, кутилмаганда берадиган зарбалари сабаб юртимиздаги кўплаб футбол ишқибозлари яхши кўришлари сиз-у бизга сир эмас!
Бир неча бор миллий терма жамаомизга ўзининг муҳим голлари билан ёрдам бера олган Сашадан ҳамон мухлисларимиз яхши ўйин ва терма жамоа сафидаги муваффақиятларни кутишмоқда.
Биз эса Гейнрихни таваллуд айёми билан сайтимиз ўқувчилари-ю ҳодимлари номидан муборакбод этамиз!
