"Милан" жамоасининг япониялик яримҳимоячиси Кейсуки Хонда қишки трансферлар вақтида сотиб юборилиши мумкин. Calciomercato нашрида ёзилишича, бунга футболчининг жамоа сиёсатини танқид қилгани сабаб бўлади.
Қайд этилишича, Хонда ҳам "россонерилар" сафини тарк этишни истамоқда. У жамоани ва бош мураббийни қаттиқ танқид қилган.
Бироз олдинроқ, Кейсуке Хонда «Милан»ни қайтадан қуриш учун «Манчестер Сити» каби пул сарфлаш кераклигини таъкидлагани хабар қилинганди. Бундан ташқари, "Милан" уни бу сўзлари учун жаримага тортиши мумкинлиги айтилган.
