Аввал хабар қилганимиздек, "Локомотив"нинг икки нафар футболчиси - дарвозабон Рустам Нартажиев ва ҳимоячи Сергей Прохоров уч ой малака ошириш мақсадида Англиянинг "Флитвуд Таун" клубига йўл олишганди.
"Локо" тарбияланувчилари у ерда Бэрри Николсон қўл остида машғулот олиб боришмоқда. SPORTS.uz сайтининг Англиядаги мухбири хабар қилишича, 2 ноябрь куни Рустам Нартажиев ва Сергей Прохоров “Флитвуд Таун” жамоаси сафида “Эвертон” клубининг ёшлар жамоасига қарши майдонга тушишади. Мазкур учрашув “Гудисон Парк” стадионида бўлиб ўтиши режалаштирилган.
Эслатиб ўтамиз, "Локомотив" профессионал футбол клуби ҳамда Англиянинг "Флитвуд Таун" ўртасида ҳамкорлик шу йилнинг апрель ойида бошланган бўлиб, ёзда клуб вакиллари Стив Курвуд ҳамда Гретар Стейнссон Тошкентга келишганди.
