Қатар пойтахти Доҳа шаҳрида бокс бўйича катталар ўртасида ўтказилаётган Жаҳон чемпионатида бугун -52 кг, -60 кг, -69 кг, -81 кг ва +91 кг. вазн тоифаларида нимчорак финал учрашувлар ўтказилади.    Ҳозиргина вазни 60 кг.гача бўлган боксчилар мусобақасида Ватанимиз шарафини ҳимоя қилаётган Элнур Абдураимов Янги Зеландия вакили Чад Милнес устидан 3:0 ҳисобида ғалаба қозонди ва чорак финалга йўлланма олди.      Энди Элнур 10 октябрь куни ўтказиладиган чорак финал жангида мўғилистонлик чарм қўлқоп устаси билан баҳс юритади.   Шу тариқа, ҳозирча чорак финалга чиққан боксчиларимиз сони 5 тага етди. Яна бироздан сўнг, Элшод Расулов (-81 кг) ва Баҳодир Жалолов (+91 кг) чорак финал йўлланмаси учун рингга кўтариладилар. Ҳар икки юртдошимизга ҳам бўлажак баҳсларда омад ва зафарлар тилаб қоламиз.    Афсуски, вазни 52 кг.гача бўлган спортчилар баҳсида иштирок этган Шаҳобиддин Зоиров хитойлик Хуга имкониятни бой берди.