“Челси” ва “Тоттенхэм” ўз уй учрашувларини “Уэмбли” стадионида ўтказиш юзасидан Англия футбол ассоциацияси билан музокара олиб бормоқда.

Иккала клуб ҳам 2017/18 йилги мавсумдан “Уэмбли”да ўйнаш истагини билдирган. “Аристократлар” 500 миллион фунтга 60 минг мухлисга мўлжалланган янги стадион қургунича уч мавсумни “Уэмбли”да ўтказмоқчи. 

“Тоттенхэм” эса ўзининг 61 минг мухлисга мўлжалланган стадиони ишга тушгунича бир-икки мавсум “Уэмбли”да ўйнамоқчи.

Муҳташам аренанинг бир йиллик ижараси ҳар бир клубга 11 миллион фунтдан тушади. Шу тариқа FA 55 миллион фунт ишлаб олиши мумкин, деб хабар бермоқда Sports.ru.

Эслатиб ўтамиз, “Уэмбли” ўз бағрига 90 минг футбол мухлисини сиғдира олади.