Бугун Ёшлар лигасида 27- тур учрашувлари якунига етди. Мазкур турда "ёш навбаҳорчилар" бухоролик тенгқурлари билан меҳмонда ўзаро куч синашиб, рақибга имкониятни бой бериб қўйишди.
Биринчи бўлимда ҳар икки жамоа вакилларида учрашувда ҳисобни очиш учун бир нечта қулай имконият юзага келганди. Аммо, ташкил этилган ҳужумлар голга олиб келмади.
Ўйиндаги барча учта голни жамоалар иккинчи таймда уришга муваффақ бўлишди. Дастлаб Дониёр Инамов "Навбаҳор" голига муаллифлик қилиб, беллашувда ҳисобни очди. Аммо, вакилларимиз ордан ҳеч қанча ўтмай кетма-кет икки бор ўз дарвозаларидан тўп олиб чиқишга мажбур бўлишди. "Бухоро" ўйинчиси Акобир Тўраев "дубль"ни расмийлаштириб, "Бухоро"нинг иродали ғалабасини таъминлади. Шу тариқа Мустафо Байрамов шогирдлари тайёр ғалабани қўлдан бой беришди.

"Бухоро": А. Корнейчук, А. Шарипов, М. Жумаев, Н. Ҳасанов, А. Муротов, М. Мухиддинов, Ж. Ҳасанов, Р. Асланов, Ж. Убайдуллаев, С. Ашуров, А.Солиев.
"Навбахор": Нодир Ашурматов, Ботир Тўрабоев, Омон-Биик Ҳалилов, Ҳожиакбар Юнусов, Сардор Теляков, Дониёр Инамов, Азиз Турғунбоев, Даврон Исоқов, Иброҳим Исмоилов, Санжар Тошпўлатов, Ғайрат Жўраев
Голлар: А. Тўраев (73, 77) - Д. Инамов (62)