Олий лига ўйинлари сарҳисоб палласига етиб келгаи сари , ўйинлар шиддати ҳам ошиб бормоқда.

Кучли ўнликка киришни мақсад қилган “Қўқон-1912” жамоаси навбатдаги турда Фарғонада “Нефтчи” жамоасиинг мехмони бўлишади. Ўзига хос вилоят дербисига бўлган қизиқишни юқори бўлишлигини ҳисобга олган ҳолда , ҳар иккала клуб маркетинг хизмати вакиллари келишган ҳолда Қўқонда хам чипталар сотувини йўлга қўядиган бўлишди. “Дерби”ни ўйингоҳда кўрмоқчи бўлган Қўқонлик мухлислар эртага соат 9-00 дан бошлаб Қўқондаги “Марказий”  ўйингоҳ кассаларидан чипта харид қилишлари мумкин. Чипталар нархи Фарғоналиклар томонидан 10 000 сўм қилиб белгиланган.  Мухташам “Истиқлол” ўйингоҳида Қўқонлик мухлислар учун 12-13-14-15-секторлар ажратилган. Эслатиб ўтамиз “Нефтчи” ва “Қўқон-1912” жамоалари ўртасидаги вилоят дербиси 30-октябр куни соат 16-00да  бошланади. Бу жамоаларнинг ўринбосарлари учрашуви  эса 29-октябр куни Қиргулидаги “Нефтчи” ўйингоҳида соат 15-00да бошланади. Мухлисларимизни Фарғонада хам жамоамизни астойдил қўллаб-қувватлаб туришга чорлаб қоламиз.