"Барселона" клуби футболчиси Хавьер Маскерано "Эйбар"га қарши ўйинда ҳакамни ҳақорат қилгани учун икки ўйинга четлатилди.
Футболчи учрашувнинг 83-дақиқасида майдондан четлатилган эди. Ҳакам ёрдамчисининг изоҳига кўра, футболчи уни "онангни" деб сўккан.
Маскерано кейинчалик бу сўзларга ёрдамчи ҳакамга қаратилмаганини таъкидлаган. Шунинг учун унга Испания футбол федерацияси тартиб-интизом қўмитаси қарорига кўра, энг минимал жазо қўлланилди.
Шундай қилиб, футболчи "Хетафе" ва "Вильярреал"га қарши ўйинни ўтказиб юборади, бироқ 21 ноябрда бўлиб ўтадиган Эл-Класикода майдонга туша олади.