“Челси” ҳужумчиси Лоик Реми клуб матбуот хизматига берган интервьюсида жамоа бош мураббийи Жозе Моуриньони ҳимоя қилиб чиқди.
“Унинг клубда қолиши жуда муҳим ва биз таслим бўлмоқчи эмасмиз. Ўтган мавсумда чемпионликни қўлга киритганмиз ва у буюк мураббий. Мен ҳам Жозенинг жамоадан кетишини истамаслигим табиий. Таркибдаги ўйинчиларнинг ҳеч бири бу иш бўлишини хоҳламаса керак.
Шанба куни бизни “Ливерпул”га қарши муҳим баҳс кутиб турибди ва агар кейинги ўйинларда ғалаба қозонсак кучли тўртликка қайта оламиз”, — дея Реми сўзларини келтиради Championat.com.
