Футзал бўйича Ўзбекистон миллий терма жамоаси декабрь ойида Беларусь терма жамоаси билан икки бора ўртоқлик учрашуви ўтказади.
Хосе Мария Мендез бошқараётган терма жамоа Беларусь терма жамоаси билан 2 ва 3 декабрь кунлари ўйин ўтказади. Ўйинларнинг ҳар иккиси Беларусда бўлиб ўтади ва Ўзбекистон миллий терма жамоаси 1 декабрь куни у ерга учиб кетади.
Эслатиб ўтамиз, Ўзбекистон терма жамоаси келаси йилнинг 10-21 февраль кунлари Тошкентда ўтказиладиган Осиё чемпионатига тайёргарлик жараёнини олиб бормоқда.