Кеча “Қўқон-1912” ФКнинг навбатдан ташқари йиғилиши бўлиб ўтди. Йиғилишда клуб раҳбарлари, мураббийлар ва футболчилар иштирок этишди.
Йиғилишда сўзга чиққан “Қўқон-1912” футбол клуби вице-президенти, бош директори Бахтиёр Толипов “Сўғдиёна”дан учралган мағлубият клуб мураббийлари ва футболчиларнинг ўз ишига совуққонлик билан муносабатда бўлганлиги оқибатида келиб чиққанлигини айтиб ўтди. Аниқроғи, мураббийлар штаби футболчиларни мазкур баҳсга тайёрлай олмадилар.
Йиғилиш қарорига кўра, “Қўқон-1912” бош мураббийи Рустам Абдуллаев эгаллаб турган вазифасидан озод этилди. Жамоани вақтинчалик шу кунга қадар ўринбосарлар билан ишлаб келаётган мураббий Муҳсин Низомиддинов бошқариб турадиган бўлди.
“Қўқон-1912” футбол клуби раҳбарияти Рустам Абдуллаевга жамоани ривожлантириш йўлида қилган хизматлари учун миннатдорчилик билдиради ва келгуси ишларида омад тилайди.
Клуб матбуот хизмати
