Италия терма жамоаси бош мураббийи Антонио Контенинг айтишича, Андреа Пирло энди терма жамоа сафига жалб этилмаслиги мумкин.
Айни пайтда “Нью-Йорк Сити” жамоаси шарафини ҳимоя қилаётган Пирло Италиянинг Бельгия ҳамда Руминия термаларига қарши ўртоқлик ўйинларига таклиф этилмади. Бунинг сабабини Конте қуйидагича изоҳлади.
"Пирло “Нью-Йорк Сити” MLS плей-оффига йўл олмагани сабаб ҳозирги пайтда ўйин амалиётига эга эмас. Шу сабабли ҳам уни олдиндаги ўртоқлик ўйинларига чақириб ўтирмадим. Аммо шуни ҳам таъкидлашим жоизки, унинг Евро-2016га бориши сўроқ остида. Зеро, келаси йили майда Андреа 37 ёшга тўлади. Унинг ўша пайтга келиб қандай формада бўлишини ҳеч ким билмайди, - дейди Конте.